旅行最怕遇土豪客?

虽然对行程、酒店安排阔佬懒理,但他都有跟老婆讲定,最紧要要避开……太远的酒店。旅行的日子已经唔长,当然想搵间最方便的酒店!今次呢间距离机场只要 15分钟快艇,唔似其他要转内陆机咁烦;同埋搵酒店千祈唔好有太多土豪客啊,好似暴龙哥大大声恶到死呢种,日日嘈住咩心情都无啦!但讲到最担心,就梗係一对留在香港的囝囡,未出发之前好恨过二人世界,但来到马尔代夫,又好想快啲返香港。俾其他人照顾,始终都係心挂挂,所以每朝我都好早起身,即刻同佢哋 face time先得!

昔日无赖变身好爸爸,去旅行都要挂住双囝囡。(郑中基FB图片)

见到靓景无机又无镜,揼心!

去旅行,影相打卡是标準动作。不过Ronald的打卡相并唔简单,而係较少见的马代夜景。(最常见的绝对是玻璃靓水+三点式!)

他说:去旅行影相,用手机当然最方便。不过我唔太锺意自拍,你见我好少放自拍相就知啦!我多数係影风景、影老婆囝囡,来到马代,更加变埋老婆的全职摄影师啊!

他笑言今次最满意的并非帮老婆影的写真,而是马代的星海夜景。(郑中基摄)

其实现实中,Ronald确实是一名摄影发烧友。在访问中他更直认,他就是网上摄影平台tinyeyes帐户用家,被网民称为大师级的摄影师。大师去旅行,当然要返一百几十张旅行相先不枉此行,本身谂住轻轻鬆鬆出发,无带很多相机、镜头。但当我一见到马代的夜景就好似太空馆咁,成个天都係星,就好想试试影埋夜景!不过今舖蚀啦!手上只有一部Leica、一部潜水相机,反而唔记得带屋企部SONY A7S, ISO比较高影星一定会更加靓。见到靓景但又无镜,绝对是摄影师最痛。

郑中基:来到马代,我影景多过影老婆,哈哈!(郑中基摄)

与鲨同游!吓到眼定定

称得上度假天堂、一生人必到,马尔代夫一向以清澈的海水闻名。分享完他最喜欢的夜景相,日景一样靓到不得了!即使食过夜粥、去过不少国家旅行的Ronald都大讚旅程难忘,用电话随手影都好靓!水清可以见到底,远望仲有好几种蓝色,应该係我见过最靓的海景啦!加上今次我住的是水上别墅,日夜都对住个靓海。在房内有晒救生衣、潜镜、潜管,随时跳落水都得。最难忘係一跳落去浮潜,海入面就係鲨鱼啦!我老婆仲要唔识游水,着住件救生衣浮浮下比我仲惊!虽然当地鲨鱼品种没有攻击性,不过首次与鲨同游,事后谂返依然都惊惊哋!

日夜对住马尔代夫的玻璃水,Ronald这个假期浪漫到爆。(郑中基FB图片)

明星出游讲架势?老婆先係最威!

常人如记者我,对明星生活都好好奇。明星去旅行,是否一定要坐头等?住五星?今次暴龙哥与老婆去马尔代夫过二人世界, 7日的行程、酒店其实全由老婆发板。Ronald在访问之中不忘讚老婆安排得好,其实对于去旅行,我都好求其,坐咩住咩都OK!反而往往因为工作时间,好难抽时间出发,所以今次见完成澳门演唱会有几日空档,急急脚叫老婆睇酒店订飞。她在网上见到这间酒店Baros Maldives的靓相,再睇睇其他访客评价,便决定订房啦!她安排埋睇海豚、浮潜活动,好正!我只係负责享受,哈哈!

[!--empirenews.page--]
去完马尔代夫,两公婆又计划下次去希腊旅行。(郑中基摄)

关于二人世界Baros Maldives

位于马里北环礁,从机场岛搭乘快艇,只需15分钟的船程。隐密的别墅用茅草建造,室内外均种植茂盛的绿色植物。马代前5位最好的resort,豪华别墅每晚$4,648起唔算贵。郑太,好精明呀!

网址︰www.baros.com