咪以为空服员在航班上只照顾乘客三餐一宿同埋厕所坏咗嘅排泄物流管理,佢哋嘅专业训练仲包括遇上危急情况时如何指示乘客逃生,training 包括如何人手打开逃生门、点样在危急关头动真气丹田叫乘客做抱头brace position,瀡逃生梯更要指示乘客咪乱冲以免撞埋一堆阻延黄金时间,绝对唔係你睇safety video 入面笑住口着救生衣咁简单!

请相信 空姐 珍人示範 机舱逃生

阿珍Touch wood 飞行纪录良好,仲有幸参观过Aeroflot同维珍嘅教学总部,试过一啲逃生教学,唔係讲笑,坚专业!

1. 保持冷静

逃生时机舱可以好黑暗、烟雾瀰漫,我都知好难calm down,但一定要听空姐指示,咪挂住影相啦!

2. 听候指示

紧急着陆后唔係即刻可以疏散,空姐会先了解外面情况先打开逃生门,记住唔好带手提行李走!

3. 瀡梯要直

一个跟一个抱胸跳出去,速度好快,记住身体要直,着地时就可以保持平衡立即远离滑梯畀下一位乘客逃走。